Al vescovo AIELLO (in dialetto napoletano)

Portale di Pignataro

Eccellè, buongiorno, e AUGURI ppe 'na longa e felice vita mijez'a nuje.

Vuje, ppe tante 'e nuje, site 'a speranza cca nun more maje, site 'o Padre cchiù sano e cchiù justo cca se possa truovà ncoppa a sta terra, specie ppe ki nu padre nun 'o tene o pure nun l'a maje tenuto.

Sta Terra, ke 'on Tummasiello a vuluto bbene comme 'a Terra soje, sape ke 'a Eccellenza Vostra è chiammato a tante 'e kelle battaglie e pure a tanti 'e killi sacrifici, pe tutte 'e prublema ca nce stanne, ke sarrà difficile purtà a suluzione tutti i' ccose storte che l'omme, e ke pure tutte nuje, avimme pruvucato ccu n'azzione cuntraria a kella ddo Criatore.

A, Vuje, comme speranza nostra, site pure chiammato a sullevà sta gente e stu ppopolo dda miseria, dda carne e ddo spirito.

Simme peccature, Eccellè. E nun ce vulimme bbene l'uno ccu l'ato. E tenimme pure tante difiette. Ma tenimme pure nu core gruosse accussì che, o mumento bbuono, po purtà frutte bbuone assaje.

Eccellè, oggi nun è 'o mumento pe ve dicere tutte kelle cca nun và int'a sta Terra e che nuje vulissime cca Vuje nce purtasseve 'na suluzione. Lassamme sta 'a camorra, 'a piattaforma, a miseria e 'a fatica...

Oggi è ffesta. E' 'a festa Vostra. E allora, Eccellè, BENVENUTO mijeze a nuje e comme 'e Padre nuostre, mentre nuje ve benedicimme dda sta terra, v'auguramme ke 'o Signore v'adda benedicere ddo cielo. Ppe sempe.

EVVIVA IL VESCOVO AIELLO